ქუთაისის მერის ჯერ კიდევ ვაკანტურ პოსტზე ამ დროისათვის მუდმივმოქმედი საკონკურსო-საატესტაციო კომისიის მიერ შერჩეული 12 კანდიდატი იბრძვის, რომლებიც კომისიამ დანარჩენი 69 მერობის მსურველიდან შეარჩია.

კანდიდატების მოსმენა დღეს 11 საათიდან იწყება და 28 მაისს დასრულდება. გასაუბრება დახურულ კარს მიღმა წარიმართება და მისი ვიდეო-ჩანაწერის გასაჯაროება მხოლოდ კანდიდატის სურვილის მიხედვით მოხდება.

გასაუბრებაზე მერობის მსურველები კომისიას თავიანთ სამოქმედო გეგმას და პროგრამას გააცნობენ. შერჩეულ კანდიდატს კომისია საკრებულოს წარუდგენს დასამტკიცებლად.

იმ შემთხვევაში, თუ საკრებულომ წარმოდგენილი კანდიდატი ხმათა უმრავლესობით არ დაამტკიცა, ქუთაისის მერის პოსტზე კონკურსი ხელახლა გამოცხადდება.