შშმ ბავშვთა დღის ცენტრში ,,ჯადოსნური სამყარო’’ შშმ პირთა უფლებების დაცვის კვირეული მიმდინარეობს, რომელიც 26 ნოემბერს დაიწყო და 3 დეკემბერს დასრულდება. კვირეულის ფარგლებში დღის ცენტრს ბენეფიციარების მშობელთა კლუბისა და მსო ,,კრისტალის’’ წარმომადგენლები სტუმრობდნენ. 

შეხვედრის პირველი ნაწილი მშობელთა უფლება–მოვალეობებს და მიღებული უკუკავშირის პროცედურებს დაეთმო. მეორე ნაწილში სახვით ხელოვნებაში ღია გაკვეთილი შედგა, რომელიც მსო ,,კრისტალის’’ მხარდაჭერით მიმდინარე ,,არტ თერაპიის კურსის’’ პროგრამის ფარგლებში გაიმართა. ბავშვებმა შექმნეს სახვითი ნამუშევრები და ფერადი აპლიკაციებით შემოქმედებითი კომპოზიციები. ღონისძიება შშმ ბავშვთა მიერ შესრულებული ნამუშევრების გამოფენითა და თოჯინური წარმოდგენით ,,კომბლე’’ დასრულდა.