ქუთაისში, ჭავჭავაძის გამზირზე ქვეითად მოსიარულე დედა-შვილს მაღალი სიჩქარით მოძრავი ავტომობილი დაეჯახა. ინფორმაციას ტელეკომპანია Rustavi 2 ავრცელებს.
შემთხვევა ავტოსადგურ „ოკრიბას" წინ მოხდა. როგორც თვითმხილველები აცხადებენ, „ტოიოტას" მარკის მანქანა გადაჭარბებული სიჩქარით მოძრაობდა, რის შედეგადაც ის დედა-შვილს დაეჯახა.
უგონო მდგომარეობაში მყოფი დედა-შვილი სასწრაფო სამედიცინო ბრიგადამ ინტერვენციული მედიცინის ცენტრში გადაიყვანა.
საავადმყოფოში აცხადებენ, რომ დაშავებულების მდგომარეობა სტაბილურია, მათ არ აღენიშნებათ მოტეხილობა და ამ დროისთვის მკურნალობა მიმდინარეობს.
აღსანიშნავია, რომ დედა-შვილს ავტომობილი იმ დროს დაეჯახა, როდესაც ზებრა ხაზზე გადაადგილდებოდნენ.
საქმეზე გამოძიება 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის ნაკლებად მძიმე დაზიანება.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი