ქუთაისში დემოკრატიული ჩართულობის ცენტრში, საარჩევნო მედიაცენტრის ორგანიზებით, ქალ მაჟორიტარ კანდიდატებთან შეხვედრა გაიმართა. განიხილეს ის პრობლემები, რომლებიც ქალ კანდიდატებს ექმნებათ. როგორც „უსუფშვილი-რესპუბლიკელების", ქუთაისის #48 ოლქის მაჟორიტარობის კანდიდატმა ნატო ქათამაძემ განაცხადა, ყველაზე დიდი პრობლემა ქალების მხრიდან ქალი კანდიდატების მიმართ სოლიდარობის ნაკლებობაა. შეხვედრა კითხვა-პასუხის რეჟიმში წარიმართა. დისკუსიას ესწრებოდნენ ეუთოს წარმომადგენლები, მოწვეული სტუმრები და ჟურნალისტები.