ქუთაისში დამოუკიდებლობის დღისთვის დაგეგმილი ღონისძიებების მოსამზადებელი სამუშაოები უკვე დაწყებულია.
ქალაქის ცენტრში, მესხიშვილის თეატრის წინ, სცენა მონტაჟდება, სადაც 26 მაისს ჩამოსული და ადგილობრივი შემსრულებლების კონცერტი გაიმართება, ასევე – ცენტრალურ მოედანზე, კოლხური შადრევნის ირგვლივ, მძიმე ტექნიკა გამოიფინება. რაც შეეხება აღლუმს, მერიის კულტურის სამსახურის უფროსის, ვაჟა ჯუღელის განცხადებით, აღლუმი არ გაიმართება.
26 მაისის ცენტრალურ მოედანზე დაგეგმილი ღონისძიებების გამო, აღნიშნულ მონაკვეთზე გარკვეული პერიოდით ტრანსპორტის მოძრაობა შეჩერდება.