ქართული ჟურნალისტიკის დღე, ქუთაისის მმშ შოთა მურღულიამ, იმერეთის გუბერნატორმა ზაზა მეფარიშვილმა და საკრებულოს თავმჯდომარის მოვალეობის შემსრულებელმა ლევან კირკიტაძემ ქუთაისელ ჟურნალისტებს მიულოცეს და პროფესიული წინსვლა უსურვეს.
ჟურნალისტიკის დღესთან დაკავშირებით, ადგილობრივ თვითმმართველობაში ჟურნალისტებს უმასპინძლეს და პროფესიული საქმიანობისთვის მადლობა გადაუხადეს.
ქუთაისის მმშ შოთა მურღულიას განცხადებით, ქალაქში წარმოდგენილი მედია საშულებით ყველა თემა აქტიურად შუქდება, მისივე განცხადებით, ჟურნალისტებს პროფესიულ საქმიანობაში მაქსიმალურად დაეხმარებიან. ჟურნალისტებთან ტანამშრომლობისთვის მზადყოფნა გამოთქვა იმერეთის გუბერნატორის ზაზა მეფარიშვილმაც. მეფარიშვილის განცხადებით, მედიის სიძლიერე მათი სიძლიერეა და ამიტომ მედიის წარმომადგენლებთან ღია ურთიერთობა აქვთ.
ქართული ჟურნალისტიკის დღესთან დაკავშირებით, დღეს ღონისძიება გაიმართება ილია ჭავჭავაძის სახელობის სამეცნიერო ბიბლიოთეკაშიც, სადაც ჟურნალისტებს უმასპინძლებენ.