დღეს ვანის რაიონში გალაკტიონობას ზეიმობენ. ამ დღესთან დაკავშირებით ვანში იმერეთის მასშტაბით გალაკტიონის ლექსის მხატვრული კითხვის კონკურსი გაიმართა,  სადაც პიველი ადგილი ვანის საჯარო სკოლის მოსწავლემ გიორგი ძნელაძემ აიღო. ხოლო მეორე და მესამე ადგილები ტყიბულისა და ქუთაისის სკოლის მოსწავლეებს ხვდათ წილად. ამ დღესთან დაკავშირებით ვანში სტუმრებს სამხარეო ადმინისტრაციიდან და ცენტრალური ხელისუფლებიდანაც ჩავიდნენ. როგორც ვანის მუნიციპალიტეტის გამგებელი ზურა გეგეშიძე ამბობს, გალაკტიონობა ყოველწლიურად აღინიშნება. როგორც ყოველთვის, დღესაც ვანში უამრავ სტუმარს ელიან, მასპინძელთა შორისაა პროფესორი ნოდარ ტაბიძეც, გალაკტიონის ძმისშვილი, რომელიც ტრადიციულად, ყოველწილიურად  ატარებს გალაკტიონობის დღეს სოფელ ჭყვიშში.