დღეს სასჯელაღსრულების დაწესებულება საქართველოს პირველი პრეზიდენტის შვილმა ცოტნე გამსახურდიამ დატოვა. იგი სასჯელს 2009 წლის 27 ოქტომბრიდან იხდიდა და იარაღის უკანონო შეძენა-შენახვისა და განზრახ მკვლელობის მცდელობის მუხლით იყო გასამართლებული.

ცოტნე გამსახურდიას გათავისუფლების თხოვნით პარტირაქმა პრეზიდენტს 29 სექტემბერს მიმართა.

 „ჩემს მიმართ ფიზიკური შეურაცხყოფა არ ყოფილა, მაგრამ იქ იყო ცუდი პირობები როგორც ჩემს, ისე სხვა პატიმრებთან მიმართებაში, ერთიანობაში 200 დღე მაქვს ნაშიმშილევი... მკურნალობის საშუალებას არ მაძლევდნენ,“ – განაცხადა სასჯელაღსრულების დეპარტამენტის დატოვების შემდეგ ცოტნე გამსახურდიამ.

გამსახურდიას ადვოკატის განმარტებით, ცოტნე გამსახურდია თავს დამნაშავედ არ ცნობს, ამიტომ მას  შეწყალება არ მოუთხოვია. „ეს იყო პატრიარქის შუამდგომლობა, ვიყავით მოლოდინის რეჟიმში, არ ვიცოდით, რა გადაწვყეტილებას მიიღებდა პრეზიდენტი“.– აცხაებს  ადვოკატი ქეთი ბექაური.