ქუთაისის ინფექციურ საავადმყოფოში კორონავირუსით ინფიცირებული 102 წლის ქალი ორი კვირის მანძილზე მკურნალობდა. მოხუცი ხანდაზმულთა სახლში დაინფიცირდა.
ის უკვე გამოჯანმრთელდა და მედპერსონალმა კლინიკიდან აპლოდისმენტებით გააცილა.
ამ დროისთვის ქუთაისის ინფექციურ საავადმყოფოში 78 კოვიდდადებითი პაციენტი მკურნალობს.
კლინიკის სამედიცინო დირექტორის, ნოდარ მაღლაფერიძის ინფორმაციით, პაციენტებს შორის 2 პაციენტი კრიტიკულად მძიმეა და მართვით სუნთქვის აპარატზე იმყოფება.
14 პაციენტის ჯანმრთელობის მდგომარეობა კი მძიმედ ფასდება და ისინი ინტენსიურ განყოფილებაში მკურნალობენ.
შეგახსენებთ, რომ ამ დროისთვის ქვეყანაში ჯამში კორონავირუსი 76 658 ადამიანს აქვს დადასტურებული.