წყალტუბო არის ერთ-ერთი უდიდესი ტურისტული პოტენციალის მქონე ბუნებრივი საოცრება, რომელიც შესაძლებელია და აუცილებლად უნდა იქცეს იმერეთის ტურისტულ ცენტრად - განაცხადა საქართველოს პრეზიდენტმა, სალომე ზურაბიშვილმა დღეს, წყალტუბოში სტუმრობისას.
"დღეს, მხარის რწმუნებულის, შავლეგო ტაბატაძის, მასპინძლობით დავათვალიერეთ უნიკალური ადგილები, რომლებსაც სჭირდება განვითარება და ახალი სიცოცხლის მიცემა. აუცილებელია, შეიქმნას გეგმა და დაჩქარებულად დაიწყოს წყალტუბოს განვითარების მასშტაბური პროცესი, რომელიც, ერთი მხრივ, მთლიანად რეგიონის კეთილდღეობისა და ეკონომიკური გაძლიერების საწინდარი გახდება, მეორე მხრივ, კი გაამრავალფეროვნებს საქართველოს ტურისტულ მნიშვნელობას მთელს მსოფლიოში. წყალტუბოს ნამდვილად აქვს ეს პოტენციალი"- ასე ფიქრობს სალომე ზურაბიშვილი