ბერძნულ-რომაულ ჭიდაობაში მსოფლიოს ორგზის ჩემპიონის, თეიმურაზ აფხაზავას, 60 წლის იუბილე ქუთაისში სხვადასხვა სახის ღონისძიებებით აღინიშნა.
დღეს თეიმურაზ აფხაზავას, ქუთაისის მერმა შოთა მურღულიამ და იმერეთის გუბერნატორმა გივი ჭიჭინაძემ უმასპინძლა. შეხვედრას საქართველოს ეროვნული ოლიმპიური კომიტეტის პრეზიდენტი ლერი ხაბელოვი და ჭიდაობის ეროვნული ფედერაციის წარმომადგენები დაესწრნენ.
თვითმმართველობის წარმომადგენლებმა ქალაქის ოლიმპიურ ბაღში გადაინაცვლეს, სადაც მოჭიდავის ვარსკვლავია გახსნილი. სპორტის მუზეუმში თეიმურაზ აფხაზავას წიგნის პრეზენტაცია შედგა.
ქუთაისის ოპერისა და ბალეტის სახელმწიფო პროფესიული თეატრის სცენაზე დამსახურებული სპორტსმენის საიუბილეო საღამო მოეწყო.ქალაქის და მხარის პირველმა პირებმა იუბილარს სცენიდან მიულოცეს და საჩუქრები გადასცეს.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი