იმერეთის გუბერნატორის პირველი მოადგილე სალომე იობიძე და ვიცე - გუბერნატორი ალექსანდრე იოსებაშვილი, პირველი ობჩისა და მეორე ობჩის მცხოვრებლებს შეხვდნენ და მათ პრობლემებს ადგილზე გაეცნენ.
ბაღდათის მუნიციპალიტეტის სოფლებში პირველ ობჩასა და მეორე ობჩაში გაზიფიცირება მიმდინარეობს. ამ ეტპაზე პირველი ობჩის ცენტრალურ მაგისტრალზე სამუშაოები უკვე დასრულებულია და რამდენიმე თვეში 570 ოჯახი ბუნებრივი აირით იქნება უზრუნველყოფილი.
ცენტრალური მაგისტრალის დაქსელვა მიმდინარეობს სოფელ მეორე ობჩაშიც, რომლის დასრულების შემდეგაც 120 ოჯახის გაზიფიცირება მოხდება. პროექტს ”სოკარ ჯორჯია გაზი იმერეთი“ ახორციელებს და ის დეკემბრის დასაწყისში დასრულდება.
ბაღდათის მუნიციპალიტეტში ბაღდათი - ზესტაფონის 9 კილომეტრიანი მონაკვეთის სარეაბილიტაციო სამუშაოებიც მიმდინარეობს. 5 მილიონი ლარის ღირებულების პროექტს კერძო კომპანია „ფინესტეინი“ ახორციელებს.