გასულ წელს ქუთაისში თორმეტი მარტივი ტიპის სპორტული მოედანი მოეწყო. ქუთაისის მერი პერიოდულად სტუმრობს ამ მოედნებს და ადგილობრივებს ხვდება. ამჯერად ქალაქის ხელისუფლება ავტოქარხნის დასახლებაში არსებული მოედანს ეწვია.

ავტოქარხნის დასახლებაში მარტივი ტიპის მოედანი ქუთაისის მერმა შოთა მურღულიამ, საკრებულოს დეპუტატებთან ნიკა ლატარიასთან და მურმან გუბელაძესთან ერთად დაათვალიერა. ადგილობრივი თვითმმართველობის წარმომადგენლებმა სტადიონზე შეკრებილ ახალგაზრდებს საჩუქრად ფრენბურთის ბადე გადასცეს. 2016 წლის ბიუჯეტში მერიამ ამ მიმართულებით 350 000 ლარი გაითვალისწინა. 2015 წელს კი 12 მარტივი ტიპის მოედნის რეაბილიტაცია 260 000 ლარი დაჯდა. სამუშაოები შ.პ.ს „თეგიკა უნივერსალმა“ შეასრულა. თორმეტიდან ერთი მოედანი საცდელად ხელოვნურსაფარიანი გაკეთდა. 

ასევე ბიუჯეტში გათვალისწინებულია რეაბილიტირებული მოედნების მოვლა პატრონობა.