იმის მიუხედავად, რომ ქუთაისის მერის შესარჩევი კონკურსი ჯერ არც კი გამოცხადებულა, შოთა მურღულიას, რომელიც გუშინ მერის მოვალეობის შემსრულებლად და ვიცე-მერად დაინიშნა, მერის პოსტზე დანიშვნას საპარლამენტო უმრავლესობის დეპუტატი ომარ ნიშნიანიძე facebook- ის საკუთარ გვერდზე ულოცავს.
„გილოცავთ, ბატონო შოთა, ჩვენი საყვარელი ქალაქის თავკაცობას, მჯერა თქვენი წარმატებების, მჯერა, საერთო ძალისხმევით შევძლებთ, გადავაქციოთ ქუთაისი მართლაც საოცნებო ქალაქად. უფალი გფარავდეთ“,-წერს ნიშნიანიძე.