გარემოს დაცვის სამინისტრომ რამდენიმე თვის წინ ხონის რაიონის სოფელ კინჩხის ოკაცეს კანიონი ტურისტულ მარშრუტში შეიტანა. იგი სათაფლიის და ყუმისთავის სატურისტო მონაკვეთში შევიდა, თუმცა ამ ეტაპზე ტურისტებს მისი დათვალიერების შესაძლებლობა უგზოობის გამო არ აქვთ. სოფელ გორდიდან კინჩხაში გადასასვლელ გზაზე რამდენიმე დღის წინ ხიდი ჩაინგრა. დღემდე კინჩხის მოსახლეობას ამ ხიდამდე მისვლა ფეხით უწევთ. ჯერჯერობით კი, შეკეთებითი სამუშაოებიც არ დაწყებულა. როგორც ხონის რაიონის გამგებლის მოადგილე ირაკლი ბახტაძე აღნიშნავს, ხიდის მშენებლობას, სავარაუდოდ, „თითო პროექტი-თითო სოფელს“ ფარგლებში მალე დაიწყებენ.