ლონდონში ვესტმინსტერის სასახლის საათის კოშკს, რომელიც ბიგ-ბენის სახელითაა ცნობილი, დიდი ბრიტანეთის დედოფლის, ელისაბედ მეორის პატივსაცემად სახელი ოფიციალურად გადაარქვეს. მას Elizabeth Tower – „ელისაბედის კოშკი“ უწოდეს.

სახელის გადარქმევის ოფიციალური ცერემონია გუშინ  გაიმართა. ფირფიტა, რომელზეც კოშკის ახალი სახელია დატანილი, თემთა პალატის სპიკერმა ჯონ ბერკოუმ წარმოადგინა.

ვესტმინსტერის სასახლის საათის კოშკი 1858 წელს ააგეს და 96,3-მეტრიანი  შენობა დღემდე დიდი ბრიტანეთის სიმბოლოა.

1860 წლიდან ვესტმინსტერის სასახლის საათის კოშკს მეფის კოშკი ერქვა, შემდეგ სახელი გადაარქვეს და ვიქტორია დაარქვეს. ამიერიდან მას ელისაბედ-ტაუერს დაუძახებენ.

(ბ.ი.)