24 ივნისს ქუთაისში საგარეო საქმეთა სამინისტროს სსიპ საინფორმაციო ცენტრის ორგანიზებით პროექტების „მომავლის ელჩების“ და „ნატოს სკოლის“ შემაჯამებელი ღონისძიება გაიმართა. ორივე პროექტი ქუთაისის მერიის და საკრებულოს მხარდაჭერით განხორციოლედა, რომლის პარტნიორი ააიპ რეგიონალური ინიციატივების ცენტრი „ნათელი მომავალი“ იყო.
პროექტის ფარგლებში ქუთაისის 40-მდე საჯარო და კერძო სკოლის მოსწავლეებს 3დღიანი ტრენინგი ჩაუტარდათ შემდეგ თემებზე: საქართველო ნატოს ურთიერთობები, არსებული რეალობა და გამოწვევები; ნატოს შექმნის ისტორია; ევროკავშირის შექმნის ისტორია; ევროკავშირი საქართველოს პარტნიორი; ასოცირების ხელშეკრულება და DCFTI; დეზინფორმაცია; უვიზო მიმოსვლა;
პროექტის მონაწილე მოსწავლეებმა გავლილ თემებზე თავად მოამზადეს პრეზენტაციები და სკოლებში თანატოლებს წარუდგინეს.
შემაჯამებელ ღონისძიებაზე პროექტში ჩართულ 42 მოსწავლეს სერთიფიკატები და ფასიანი საჩუქრები გადეცათ. ასევე, მოსწავლეებს მიეწოდათ ინფორმაცია საგანამანათლებლო გაცვლით პროგრამაზე „ერაზმუს+“-ის შესახებ.
შეხვედრას ქუთაისის მერიის და საკრებულოს წარმომადგენლები ესწრებოდნენ.
„აღნიშნული პროექტი მნიშვნელივანი იყო ახალგაზრდებისთვის, რადგან მათ სწორი ინფირმაცია ჰქონოდათ ნატოზე და ევროკავშირზე, ასევე იმ ეტაპებზე, რასაც საქართველო დაახლოების პროცესში გადის მეტი ინტეგრაციისთვის. ვფიქრობ, შედეგი მიღწეულია, რადგან პროექტში ჩართულმა ყველა მოსწავლემ გააზრებულად იცის, თუ რატომ არის ქვეყნის ევროატლანტიკურ სტრუქტურებში ინტეგრაცია მნუშვნელოვანი. - აღნიშნა პროექტის შეფასებისას საინფორმაციო ცენტრი ნატოსა და ევროკავშურის შესახებ იმერეთის წარმომადგენელმა, მარიკა ვაჭარაძემ.