ესტონეთში მცხოვრები ქართველი სტუდენტების ორგანიზებით, 2019 წლის 9 აპრილს, ამ ტრაგიკული მოვლენებიდან 30 წლის თავზე, ტალინში, თავისუფლების მოედანზე, მშვიდობიანი შეკრება ჩატარდა.

შეკრებილებმა პატივი მიაგეს იმ გმირების ხსოვნას, რომელთაც თავი გაწირეს საქართველოს დამოუკიდებლობისათვის. 9 აპრილის ისტორია ქართველმა ახალგაზრდებმა ესტონელ თანამოძმეებს გაუზიარეს, როგორც ერთ-ერთი მნიშვნელოვანი მოვლენა, რომელიც წინ უძღვოდა საბჭოთა კავშირის ზეგავლენის შემცირებას ჩვენს ქვეყანაში, საბოლოოდ კი 1991 წლის 9 აპრილს საქართველოს დამოუკიდებლობის აღდგენით დასრულდა. და ეს თარიღი საქართველოსთვის არამარტო გლოვის, არამედ დამოუკიდებლობის აღდგენის დღეა! 

შეკრებილმა სტუმრება სიმბოლურად თითო სანთელი დაანთეს დაღუპულთა მოსაგონებლად. მათ ვიდეო და ფოტო გამოფენაც დაათვალიერეს,  რომელიც 3 ენაზე იყო მომზადებული.შეკრების ბოლოს სტუმარ-მასპინძლებმა ერთხმად იმღერეს საქართველოს ჰიმნიც.