ქუთაისის აკაკი წერეთლის სახელმწიფო უნივერსიტეტის სააქტო დარბაზში, სტუდენტურმა საზოგადოებრივმა ორგანიზაცია ,,წეროებმა" ელგუჯა და მარიამ ძოძუაშვილების მხარდასაჭერად საქველმოქმედო აქცია-კონცერტი გამართეს.
საქველმოქმედო აქციას ქუთაისის განათლების განვითარების და დასაქმების ცენტრის შშმ ბავშვთა დღის ცენტრი ,,ჯადოსნური სამყარო’’ შუერთდა. ჩვენმა პატარებმა საკუთარი წვლილი შეიტანეს სოციალურ ინიციატივაში. ,,ჯადოსნური სამყაროს’’ აღსაზრდელებმა უნივერსიტეტის სცენიდან სტუდენტებთან ერთად ლექსები წაიკითხეს.
ღონისძიება დაუნის სინდრომის საერთაშორისო დღეს მიეძღვნა და აქციის ორგანიზატორების მიერ საღამოზე შემოსული თანხა მთლიანად გადაირიცხება უსახლკაროდ დარჩენილი და-ძმა ძოძუაშვილების დასახმარებლად.