საჭადრაკო კლუბ ,,მაია“-ში საქართველოს ჩემპიონატი ჩატარდა. ტურნირში 8 დან 16 წლამდე მოზარდები მონაწილეობდნენ. პირველ,მეორე და მესამე ადგილზე გასული 32 გამარჯვებული გამოვლინდა.
გამარჯვებულები ქუთაისის მერმა შოთა მურღულიამ, ვიცე-გუბერნატორმა დავით უშხვანმა და იმერეთის ჭადრაკის ფედერაციის პრეზიდენტმა ზაზა ლომინაძემ დააჯილდოვეს.
გამარჯვებულებს დიპლომები, მედლები და საჩუქრები გადაეცათ. ასევე ადგილობრივმა თვითმმართველობამ ტურნირში მოასპარეზე ჩემპიონებს და მათ მწვრთნელებს ფულადი ჯილდო გადასცა. საპრიზო ფონდი 10 000 ლარს შეადგენდა.