27 აპრილს, დილის 7 საათზე, ბათუმის პორტს 2014 წლის სეზონის პირველი საკრუიზო ხომალდი ეწვია.

„Black Sea Cruises Line“ -ზე 100 უცხოელი ტურისტი იმყოფება, რომლებსაც სხვადასხვა საექსკურსიო პროგრამით მომსახურებას გაუწევს ადგილობრივი ტურისტული კომპანია „Ajara Tour“.

აღსანიშნავია, რომ საკრუიზო ტურიზმის სტატისტიკის მიმართულებით დადებითი ტენდენცია შეინიშნება.  თუკი 2012 წელს 10-მდე საკრუიზო ხომალდი სტუმრობდა რეგიონს, 2013 წელს მისი რიცხვი 16-მდე გაიზარდა.

2014 წელს კი 26 საკრუიზო გემის შემოსვლაა დაგეგმილი.