ერთი ადამიანი უნდა იყოს არჩეული ერთ ადგილზე, - ასე ხსნის საპარლამენტო უმრავლესობის წარმომადგენელი გიგა ბუკია მმართველი გუნდის ინიციატივის ლოგიკას, რომლითაც მერობის კანდიდატი საკრებულოს არჩევნებში კენჭს ვეღარ იყრის.
როგორც ბუკიამ აღნიშნულ საკითხზე კომენტირებისას ჟურნალისტებს განუცხადა, ''ამ თემაზე დისკუსიის გახსნა ხელოვნურ აჟიოტაჟს ჰგავს.
"ჩვენი ლოგიკაა ის, რომ ერთი ადამიანი უნდა იყოს არჩეული ერთ ადგილზე. მიგვაჩნია, რომ ერთი პიროვნების ორ ადგილზე არჩევა არასწორია. ესაა ჩვენი არგუმენტი და ამ საკითხზე დისკუსიის გახსნა ხელოვნურ აჟიოტაჟს ჰგავს, - აღნიშნა ბუკიამ.
როგორც ცნობილია, მმართველი გუნდის ინიციატივის მიხედვით, მერობის კანდიდატს საკრებულოს არჩევნებში კენჭისყრის უფლება შეიძლება აღარ ჰქონდეს.

წყარო: interpressnews.ge