პატრიარქი ანტიდისკრიმინაციულ კანონზე: „გავა დრო და ჩვენ თვითონ გაგვიკვირდება, თუ როგორ იყო მიღებული ეს კანონი“
სრულიად საქართველოს კათოლიკოს-პატრიარქმა ანტიდისკრიმინაციული კანონის მიღებასთან დაკავშირებით, გიორგობის სადღესასწაულო წირვის შემდგომ ქადაგებაზე მცირე განცხადება გააკეთა. პატრიარქის თქმით, უკანონობის დაკანონება არ შეიძლება და მოვა დრო, როდესაც ჩვენ თვითონ გაგვიკვირდება, თუ როგორ იყო მიღებული ეს კანონი:
„მინდა, ვთქვა ორიოდე სიტყვა იმის შესახებ, თუ რამ გამოიწვია მღელვარება საქართველოში. ანტიდისკრიმინაციული კანონის მიღფების შესახებ მინდა ორიოდ სიტყვა მოგახსენოთ.
საერთოდ საქართველო ისეთი ქვეყანაა, რომ არასდროს არავის არ ჩაგრავდა, საქართველო ისეთი ქვეყანაა, სადაც ყველა ხედავდა და გრძნობდა თავისუფლად თავის თავს, მაგრამ არის საკითხები, რომლის დაშვება არ შეიძლება. როგორ შეიძლება უკანონობა დააკანონო? უკანონობის დაკანონება ეს დიდი ცოდვაა და სწორედ ამის შესახებ ვთქვი მე და მე რომ არ მეთქვა, ის იქნებოდა გასაკვირი და ის იქნებოდა საოცარი, რომ არ მეთქვა. ვალდებული ვარ, უნდა მეთქვა.
არც ერთი მორწმუნე ადამიანი არ მიიღებს ამას, ასეთ კანონს და მე მინდა ვთქვა, რომ გავა დრო და ჩვენ თვითონ გაგვიკვირდება თუ როგორ იყო მიღებული ეს კანონი და მე შევთხოვე უფალს, რომ უფალმა შეგვინდოს შეცოდებანი ჩვენი ნებსითნი და უნებლიეთნი.
ღმერთი მოწყალეა და ღმერთი გვაპატიებს ჩვენს ცოდვებს.“
psnews.ge
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი