21 ოქტომბრამდე,  სულ უფრო ცოტა დრო რჩება, ქუთაისი წინასაარჩევნოდ, როგორც ყოველთვის, მშვიდია. თუმცა, ოპოზიციური პარტიების წარმომადგენელები ამობობენ, რომ საარჩევნო გარემო ისე, როგორც მთელ საქართველოში,  უსამართლო და არათანაწორია.

 „ცუდი გარემოა, ეს ჩანს ყველაფერში – ბანერებში, პალაკატებში, სატელევიზიო ეთერში – არათანაბარ გარემოს არათანაბარი ფულადი რესურსები განსაზღვრავს, კონკრეტული ფაქტების დასახელება ამჟამად არ შემიძლია, თუმცა, მაშინ, როცა მერიის თანამშრომელთა უმეტესობა შვებულებაშია, რა თქმა უნდა, ეს არის ადმინისტრაციული რესურსის გამოყენება. კი, კანონით აქვთ ამის უფლება, მაგრამ ჩვენ ხომ ვიცით სიმართლე? კონკრეტული ფაქტების გამოვლენას, რომელი ბაღის თანამშრომელი რომელ შეხვედრას ესწრება,  დამატებითი ადამიანური და ფულადი რესურსი სჭირდება. ჩვენ ამის საშუალება არა გვაქვს, აი, ნაციონალურ მოძრაობას კი შეუძლია ეგ მარა, არ აკეთებს, ალბათ არ აწყობთ და იმიტომ“ – აცხადებს გოგი წულაია,   „დიმიტრი ლორთქიფანიძე, კახაკუკავა, დემოკრატიული მოძრაობა თავისუფალი საქართველო"-ს მერობის კანდიდატი.

ნაციონალური მოძრაობა უთანასწორობის მიზეზად, პირველ რიგში, საუბნო საარჩევნო კომისიების წევრების არჩევას ასახელებს. პარტიის ქუთაისის ოფისიდან გიგა შუშანია ამბობს, რომ საუბნო კომისიებში სრული უმრავლესობა მათ აქვთ, ხელს საოლქო საარჩევნო კომისიებისკენ იშვერს და ამბობს, რომ ეს წევრები გამჭირვალედ და დემოკრატიულად არ შერჩეულა და ისინი ოცნების მხარდამჭერები არიან,  ,,რაც არ უნდა ოქმის ასლები წამოვიღოთ პარტიის წარმომადგენელებმა, მეორე დღეს შეიძლება 7 წევრის ხელმოწერით მივიღოთ სრულიად სხვა ოქმი, სხვა ჩანაწერებით და მათ ოქმებს ექნება ძალა. და ეს, რა თქმა უნდა, აისახება საბოლოო შედეგებზე. ამის გარდა, „ქართული ოცნება“ წარმატებით იყენებს ადმინისტრაციულ რესურსს“ – აცხადებს გიგა შუშანია.

ადმისიტრაციული რესურსის გამოყეებასა და საარჩევნო უბნების დაკომპლექტებას ასახელებს დარღვევად „ევროპული საქართველო“.

„სამწუხაროდ, სახელებს და გვარებს ვერ დავასახელებ, იმიტომ, რომ ამ ადამიანების წინაშე მორალური ვალდებულებები მაკისრია, მაგრამ თანასწორ საარჩევნო გარემოზე საუბარი არის ზედმეტი. საუბნო საარჩევნო წევრების სია მმართველი პარტიის ოფისში დაიწერა. ამის გარდა ,,ოცნება“ იყენებს საბიუჯეტო სახსრებს, ისინი თავიათი სურვილების მიხედვით გასცემენ          ერთჯერად დახმარებებს, რაც ხმარდება ხელისუფლების საარჩევნო მიზნებს.

კახიანაურში ჩვენი პარტიის წევრებს შეექმნათ პრობლემები, მათ ოჯახის წევრებს დაემუქრნენ სამსახურიდან გათავისუფლებით. მართალია, ჯერჯერობით ძალოვანი სტრუქტურები არ ჩართულან არჩევნებში, მაგრამ ხელისუფლება ყველა გზით ცდილობს, გადაფააროს დაბალი რეიტინგი და ყველა მეთოდის გამოყენებით  მიიღოს სასურველიი შედეგი.“ – განაცხადა გია თევდორაძემ.

„შენების მოძრაობის“ ქუთაისის მერის კანდიდატი ალუდა გოგლიჩიძე ამბობს, რომ ვიზუალურად ჩანს, რომ წინასაარჩევნო კამპანია მშვიდ ვითარებაში მიდის, თუმცა, ხელისუფლება ვერ გაურბის ადმინისტრაციულ ცდუნებას. ვიცეპრემიერი ალექსანდრე ჯეჯელავა შანტაჟით არის დაკავებული. 2017 წლის 25 სექტემბერს განათლებისა და მეცნიერების მინისტრმა ჟურნალისტებს განუცხადა, რომ „სასწავლო დაწესებულებებში სველი წერტილების მონიტორინგის გამკაცრების შედეგად ათობით დირექტორის პასუხისმგებლობის საკითხი დადგა“. სამწუხაროა, რომ მინისტრი იმის ნაცვლად, რომ ებრძოლოს პრობლემებს, „ბოლშევიკური“ სულისკვეთებით ებრძვის ადამიანებს. ბრიფინგის ფარგლებში გამოთქმული არგუმენტების მიუხედავად, ბ-ნი ჯეჯელავა აცხადებს, რომ კიდევ უფრო მეტად გააძლიერებს ე.წ. მონიტორინგს, ანუ კიდევ უფრო მეტ დირექტორს გაათავისუფლებს თანამდებობიდან, რაც წინასაარჩევნო პერიოდში განათლების სფეროში დასაქმებულთა დათრგუნვას და დაშინებას უფრო ემსახურება, ვიდრე პრობლემების მოგვარებას.  და ეს დაშინება არის არჩევნებზე ზეწოლა“ – აცხადებს ალუდა გოგლიჩიძე.

„პატრიოტთა ალიანსის“ ქუთაისი მერობის კანდიდატი გია ბახტაძე ამბობს, რომ როგორი გაუკუღმართებულიც იყო საარჩევნო გარემო წინა წელს, ასეა დღესაც. ,,თუ ადრე ხდებოდა კარუსელები, დღეს პირდაპირ ფულადი გარიგება ხდება, ამომრჩეველს ფულს უხდიან. ჩვენი ამორჩეველი ის ხალხია, ვისაც ქართველობა შერჩა და ფულზე არ იყიდება“ – ამობობს გია ბახტაძე.

გასულ კვირაში სამართლიანი არჩევნებისა და დემოკრატიის საერთაშორისო საზოგადოებამ 2017 წლის ადგილობრივი თვითმმართველობის არჩევნების წინასაარჩევნო გარემოს მონიტორინგის მეორე შუალედური ანგარიში გამოაქვეყნა. ანგარიში მოიცავს 2017 წლის 5-დან 25 სექტემბრის ჩათვლით პერიოდს.  ანგარიშში ქუთაისის მოხლოდ ორი ქეისია განხილული, ერთ-ერთი ადმინისტრაციული რესურსის გამოყენებად მერიის თანამშრომლის მიერ სამუშაოს საათებში ფეისბუქზე მხარდამჭერი ბანერების გავრცელებას მოიცავს, ხოლო მეორე ფაქტი ამომრჩევლთა  სავარაუდო მოსყიდვას, ნაციონალური მოძრაობის წევრმა ნიკა ნარსიამ გაავრცელა ვიდეო  კადრები, სადაც ოცნების კანიდიდატი კახა ბოჭორიშვილი ერთ ერთი შეხვედრაზე სიებს ითხოვს, რომლებსაც დასამქების მიმართულებით დახმარებას აღმოუჩენს. ნარსია საჩივარიც შეიტანა, თუმცა, კომისიის გადაწყვეტილებით ის არ განუხილიათ.

მაკა ჩინიჯიშვილი

მედიასახლი P.S. („პოსტსკრიპტუმი“)