რეგიონული განვითარებისა და ინფრასტრუქტურის მინისტრი დავით ნარმანია ადამიანის უფლებათა დაცვისა და იძულებით გადაადგილებულ პირთა დარგში გაეროს საერთაშორისო ექსპერტს, ჩალოკა ბეიანის და მის თანმხლებ პირებს შეხვდა.
შეხვედრაზე საუბარი იძულებით გადაადგილებულ პირთათვის საცხოვრებელი პირობების გაუმჯობებსების საკითხებს შეეხო.
როგორც სამინისტროს პრესსამსახურში აცხადებენ, გაეროს ექსპერტი დაინტერესდა, თუ რა პროექტებს ახორციელებს რეგიონული განვითარებისა და ინფრასტრუქტურის სამინისტრო დევნილთა საცხოვრებელი პირობების გასაუმჯობესებლად.
საპასუხოდ აღინიშნა, რომ სამინისტრო მიმდინარე წელს დევნილთა მხარდასაჭერი პროექტების გასახორციელებლად ჯამში 80 მილიონამდე ლარის დახარჯვას გეგმავს. თანხა მოხმარდება, როგორც დევნილთა კომპაქტური ჩასახლების ადგილებში ინფრასტრუქტურის გაუმჯობესებას, ისე, ახალი საცხოვრებელი სახლების მშენებლობას ფოთსა და ზუგდიდში.
მინისტრის დავით ნარმანიას ინფორმაციით, ზუგდიდში დევნილთათვის 7-ხუთსართულიანი სახლი აშენდება, სადაც დაახლოების 280 იძულებით გადაადგილებული ოჯახი განთავსდება.
პროექტი KFW-ს მხარდაჭერითა და დაფინანსებით ხორციელდება.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი