ლიონის შემოგარენში პოლიციამ დააკავა ბრიტანელი, რომელმაც საკუთარი შვილები სასტიკად აწამა. როგორც დაკავებულმა პოლიციას განუმარტა, მან 5 წლის გოგონას და 10 წლის ბიჭს ყელი გამოჭრა.
„ევრონიუსის“ ცნობით, ყოფილი ეკონომისტი მეუღლეს ხშირად სცემდა, რის გამოც ცოლმა იგი მიატოვა. სასამართლოს გადაწყვეტილებით, მამას შვილების ნახვის უფლებაც ჩამოერთვა. გამონაკლისის სახით, მას მხოლოდ ერთხელ მისცეს შვილებთან ურთიერთობის საშუალება, რაც სავალალო შედეგით დასრულდა.
დამნაშავე უმუშევარია, რასაც, მეუღლესთან განშორების მსგავსად, მტკივნეულად განიცდიდა.