„ჩვენი პარტიის ლიდერს ისეთი არაფერი ჩაუდენია ქალაქის წინაშე, რომ ბოდიში მოიხადოს. მე ვიცი მისი პოზიცია. დავითს ძალიან უყვარს და პატივს სცემს ქუთაისს,“ – განაცხადა გაზეთ P.S.-ის press-კლუბში ჟურნალისტებთან შეხვედრაზე „საქართველოს პატრიოტთა ალიანსის“ იმერეთის ორგანიზაციის ხელმძღვანელმა, გოჩა თევდორაძემ.

შეგახსენებთ, რომ რამდენიმე დღის წინ პარტიის ლიდერს დავით თარხან-მოურავს ქუთაისის მერობის ერთ-ერთმა კანდიდატმა ბესიკ მიქელთაძემ ქუთაისელების შეურაცყოფისთვის სასამართლოში უჩივლა და ბოდიშის მოხდა მოითხოვა. თარხან-მოურავს ბოდიშის ნიშნად ქუთაისის მერიის ანგარიშზე სიმბოლურად ერთი თეთრი უნდა ჩაერიცხა.