„ნაციონალურ მოძრაობა“  წლები ინახავდა „ზონდერებს“ მერიის სამსახურებში. ამ არაპროფესიონალ  კადრებს კონკრეტული პოლიტიკური მიზნით იყენებდნენ. პენსიასავით უხდიდნენ ხელფასებს, რათა  მერე  არჩევნებში გამოეყენებინათ. დიახ, ყველა „ზონდერი“ დატოვებს სამსახურს ოპტიმიზაციის შედეგად. ბევრი პროფესიონალი კადრია აქ, რომლებიც იმსახურებენ თანამდებობებზე ყოფნას,“ – ამბობს საკრებულოს წევრი მამუკა მღდელაძე.

მერიაში დაანონსებული ოპტიმიზაციის შედეგად მოსალოდნელი ცვლილებების დეტალები დღეს ქუთაისის საკრებულოს სხდომაზე გახდა ცნობილი. საკრებულოს თავმჯდომარის მოადგილის, მერაბ მეშველიანის თქმით, ქუთაისის მერიაში საკადრო ცვლილებები გარდაუვალია. პროცესი, სავარაუდოდ, ახალი მერის არჩევის შემდეგ დაიწყება.