ამირან ძოწენიძე იმერეთის ვიცე-გუბერნატორი?

გოჩა თევდორაძის თანამდებობიდან წასვლის შემდეგ იმერეთის ვიცე-გუბერნატორის ვაკანტურ თანამდებობას უკვე გამოუჩნდენ მოსურნენი. გავრცელებული ინფორმაციით, შესაძლებელია, აქტიურმა ვიცე-მერმა ამირან ძოწენიძემ ვიცე-გუბერნატორის სავარძელში გადაინაცვლოს და „ერთიანი ნაციონალური მოძრაობისთვის“ გაწეული დაუღალავი სამსახურის გამო ჯილდოდ ეს თანამდებობა მიიღოს.

ვიცე-გუბერნატორის თანამდებობას უმიზნებს ასევე „ნაციონალების“  იმერეთის პარტიული ორგანიზაციის უფროსი გოჩა კუპრავა. გავრცელებული ინფორმაციით, შესაძლებელია, ყოველმხრივ უმცირესობაში დარჩენილმა „ნაციონალებმა“ განაჩენი ვიცე-მერის სასარგებლოდ გამოიტანონ, რის შემდეგაც ქუთაისს ამირან ძოწენიძის სახით ახალი ვიცე-გუბერნატორი ეყოლება.