საქართველოს ახალგაზრდა იურისტთა ასოციაციის ქუთაისის ფილიალის წარმომადგენლებმა აკაკი წერეთლის სახელმწიფო უნივერსიტეტის სამართალმცოდნეობის მაგისტრანტ სტუდენტებს და დაინტერესებულ საზოგადოებას საკანონმდებლო სიახლეები გააცნეს.
სემინარი ყოველთვიურად ტარდება და საკანონმდებლო სიახლეები პრობლემატიკის მიხედვით ირჩევა.
მოწვეულმა სტუმრებმა შეავსეს კითხვარი, რომელიც ეხებოდა არასრულწლოვანთა მართლმსაჯულების რეფორმების ხელშეწყობას საქართველოში. ეს პროექტი ხორციელდება ახალგაზრდა იურისტთა ასოციაციის ქუთაისის ფილიალში, საერთაშორისო ორგანიზაციის „international Bridges to justice“ თანადგომით და მიზნად ისახავს, მხარი დაუჭიროს საქართველოში არასრულწლოვანთა მართლმსაჯულების რეფორმას ისეთი ეფექტური საქმიანობის განხორციელებით, რიგორიცაა საინფორმაციო-საკონსტიტუციო რესურს-ცენტრის შექმნა, ტრენინგ-სემინარი უფლებების დაცვისთვის, სახელმძღვანელოს მომზადება მოსამართლეების, პროკურორების და ადვოკატებისათვის და სხვა.