„არ არსებობს ადამიანი, რომელიც არ გლოვობს საქართველოში, არ არსებობს ადამიანი, რომელსაც არ უყვარდა და პატივს არ სცემდა ანზორ ერქომაიშვილს, რომელიც უკვე შევიდა საქართველოს ისტორიაში და მე დღეს საქართველოს სახელით ჭირისუფალი ვარ!“- განაცხადა საქართველოს პრეზიდენტმა.
პრეზიდენტის განცხადებით, გარდაიცვალა ადამიანი, რომელიც წარმოადგენს იმას, რაც დღეს ყველაზე მეტად გვჭირდება, „ის იყო საზოგადოების გამაერთიანებელი. დღეს ტაძარში შემოვიდა მთელი საზოგადოება - დიდი, პატარა, სხვადასხვა პარტიის წარმომადგენელი და ეს დიდი მაგალითია იმისა, რაც ბატონმა ანზორმა დაგვიტოვა“, - აღნიშნა სალომე ზურაბიშვილმა.