დაისვენე კურორტ ახალდაბაში
დაისვენე სასტუმრო „ლუტრეზიში“
სპონსორი: PSnewsGE
იოსებ ხახალეიშვილი: თანამოაზრეობაზე დაფუძნებული თანაშრომლობა ყველაზე ეფექტურ შედეგს იძლევა (R)
2020/10/28 12:09:00

 

"ქართული ოცნება - დემოკრატიული საქართველოსქუთაისის მერობის კანდიდატი იოსებ ხახალეიშვილი საარჩევნო კამპანიის ფარგლებში შემაჯამებელ შეხვედრებს განაგრძობს. მორიგი შეხვედრა მერობის კანდიდატმა  ქუთაისის ტურიზმის სფეროს წარმომადგენლებთან გამართა.

საარჩევნო პროგრამასთან ერთად შეხვედრაზე ქუთისის ტურისტულ-რეკრეაციული პოტენციალი, ტურისტული ბიზნესსტრატეგიები და მათი განხორციელების შესაძლებლობები, პანდემიისგან მიყენებული ზარალი და გამოწვევები განიხილეს.

როგორც შეხვედრაზე აღნიშნა, იოსებ ხახალეიშვილი როგორც საერთაშორისო ურთიერთობების სპეციალისტი, ყველა სამსახურებრივი პოზიციიდან მჭიდროდ და აქტიურად თანამშრომლობდა ტურიზმის სფეროს წარმომადგენლებთან. მისი დიდი ხელშეწყობით 2021 წელს ქუთაისი უმასპინძლებს ევროსაბჭოს კულტურული მარშრუტების დიდ ფორუმს, შესაბამისად 300-მდე მაღალი დონის ექსპერტს და სტუმარს ევროპიდან, რაც  აამაღლებს ქუთაისის ცნობადობას ევროპაში.

"
მოგეხსენებათ, ტურიზმი არის ჩვენი ქვეყნის და ქალაქის მამოძრავებელი ძალა და კორონავირუსის პანდემიამ სწორედ მას მიაყენა ყველაზე დიდი დარტყმა. ტურიზმის სფეროს წარმომადგენლები, კონკრეტულად კი DMO იმერეთი - ის ადამიანები არიან, რომლებიც თავდაუზოგავად მუშაობენ  ტურიზმის გამუმჯობესებისთვის, მისი ხარისხისა და სერვისების სრულყოფისთვის. ქალაქის ახალი იმიჯისთვის, რაზეც მიუთითებს სულ ახლახანს ჩატარებული ეფექტური რებრენდინგი. ისინი მუდმივად ახორციელებენ საინტერესო პროექტებს, უფასოდ, რათა ადამიანებისთვის ხელმისაწვდომი იყოს ამ სფეროს ნიუანსების შესწავლა და გზის გაკვალვა. ჩვენ ყოველთვის ვგრძნობთ მათ მხარდაჭერას და გვერდით დგომას. თანამოაზრეობაზე დაფუძნებული თანაშრომლობა ყველაზე ეფექტურ შედეგს იძლევა.  ჩვენ ერთად აუცილებლად დიდ ნაბიჯებს გადავდგამთ ქალაქის განვითარებისათვის", - განაცხადა იოსებ ხახალეიშვილმა.

შეხვედრაზე "ღამის შოუს" წამყვანი გიორგი გაბუნია თავის ჯგუფთან ერთად იმყოფებოდა, რომელიც რამდენიმე დღეა, ქუთაისში იმყოფება და იოსებ ხახალეიშვილსა და პარტია "ქართულ ოცნებას" მხარდაჭერას უცხადებს.

 

 

'.$TEXT['print'].'
სულ ნანახია - 510
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2024 საავტორო უფლებები დაცულია