დაისვენე კურორტ ახალდაბაში
დაისვენე სასტუმრო „ლუტრეზიში“
სპონსორი: PSnewsGE
ქუთაისის საერთაშორისო უნივერსიტეტში პირველკურსელთა ფიცის დადების ცერემონიალი გაიმართა
ავტორი: PS („პოსტსკრიპტუმი“)
2020/10/21 11:56:53

 

საქართველოს განათლების, მეცნიერების, კულტურისა და სპორტის მინისტრი მიხეილ ჩხენკელი ქუთაისის საერთაშორისო უნივერსიტეტს ეწვია და პირველკურსელების ფიცის დადების ცერემონიალში მიიღო მონაწილება. ღონისძიება უნივერსიტეტის რექტორმა ალექსანდრე თევზაძემ გახსნა.


პენსილვანიის უნივერსიტეტის (აშშ) დოქტორმა მიხეილ ჩხენკელმა სტუდენტებს სიტყვით მიმართა, საინტერესო და ნაყოფიერი სტუდენტური ცხოვრება და წარმატებები უსურვა.


მიხეილ ჩხენკელი: „დღეს ქუთაისის საერთაშორისო უნივერსიტეტში პირველკურსელთა ფიცის დადების საზეიმო ღონისძიებას დავესწარი. ძალიან ამაღელვებელი ცერემონია შედგა. დღეს მართლაც ისტორიული დღე!


მსურს, კიდევ ერთხელ მივმართო ქუთაისის საერთაშორისო უნივერსიტეტის სტუდენტთა პირველ თაობას. გულითადად გილოცავთ ამ უნივერსიტეტის სტუდენტობას და სწავლის დაწყებას. თქვენ, უნიკალური უნივერსიტეტის პირველი ნაკადი, საქართველოს აკადემიური ისტორიის ნაწილი ხართ! ქუთაისის საერთაშორისო უნივერსიტეტში სწავლა მართლაც გამორჩეული შესაძლებლობაა, ეს არის ძალიან დიდი პატივი და დიდი პასუხისმგებლობა. დღეს იწყება თქვენი ცხოვრების საინტერესო და წარმატებულო პერიოდი. დარწმუნებული ვარ, რომ გავა წლები და თითოეული თქვენგანი დიდი სიხარულით გაიხსენებს დღევანდელ დღეს.


მინდა გისურვოთ წარმატება სწავლის პროცესში, ხოლო მომავალში – წინსვლა და მიღწევები პროფესიულ ასპარეზზე. განათლება არის ყველაზე ღირებული ინვესტიცია და არა მხოლოდ თითოეული თქვენგანის ინდივიდუალური წარმატების საფუძველია, არამედ ჩვენი ქვეყნის წარმატების საწინდარიც გახლავთ“.


ქუთაისის საერთაშორისო უნივერსიტეტმა (KIU) წელს პირველი სტუდენტები მიიღო ბაკალავრიატის სამ ინგლისურენოვან პროგრამაზე: მენეჯმენტი, მათემატიკა და კომპიუტერული მეცნიერება.


KIU-ში სტუდენტების მიღების კრიტერიუმები დღეს საქართველოში არსებულ უმაღლეს საგანმანათლებლო დაწესებულებებს შორის ერთ-ერთი ყველაზე მაღალია და შესაბამისობაშია მიუნხენის ტექნიკური უნივერსიტეტის პროგრამის მოთხოვნებთან. STEM-ის მიმართულების პროგრამების მიხედვით KIU სამ ყველაზე მაღალი ბარიერის მქონე  უნივერსიტეტებს შორის სახელდება საქართველოში. წელს 1112 აბიტურიენტმა გამოხატა სურვილი, გამხდარიყო KIU-ს სტუდენტი. უნივერსიტეტის მიერ დაწესებული მაღალი ბარიერი კი 245-მა ახალგაზრდამ გადალახა.


რეიტინგის მიხედვით ყველაზე პოპულარულია KIU-ს კომპიუტერული მეცნიერების პროგრამა. ამ პროგრამაზე  წელს ყველაზე მეტი სტუდენტი ჩაირიცხა. შემდეგ ადგილზეა მენეჯმენტი და ბოლოს მათემატიკა. მათემატიკის პროგრამაზე ჩარიცხულ სტუდენტთა 35% გოგონაა. უნივერსიტეტის ერთ-ერთი პრიორიტეტი სწორედ ზუსტ და საბუნებისმეტყველო მეცნიერებების მიმართულებით ქალების ჩართულობის გაზრდაა.


უნივერსიტეტში ჩარიცხულ სტუდენტთა 90%-მა ერთიან ეროვნულ გამოცდებზე KIU შემოხაზა პირველ არჩევნად, ხოლო სტუდენტთა 78%-მა შეძლო სახელმწიფო დაფინანსების მოპოვება.


სტუდენტთა რეიტინგის პირველ ასეულში არიან გამორჩეული და მაღალქულიანი ახალგაზრდები: ხულოდან, ცაგერიდან, ჭიათურიდან, თბილისიდან, ქუთაისიდან, რუსთავიდან, საჩხერიდან და სხვა რეგიონებიდან. ქუთაისის საერთაშორისო უნივერსიტეტის სტუდენტები არიან როგორც საერთაშორისო, ასევე, ეროვნული კონკურსისა და ოლიმპიადის გამარჯვებული ახალგაზრდები. მათ შორისაა მათემატიკური და ალგორითმული კონკურსის (M ვექტორის) თხუთმეტი  ფინალისტი და ათასწლეულის ინოვაციის კონკურსის ორი წარმატებული გამომგონებელი.

 

 

 

'.$TEXT['print'].'
სულ ნანახია - 839
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2024 საავტორო უფლებები დაცულია