დაისვენე კურორტ ახალდაბაში
დაისვენე სასტუმრო „ლუტრეზიში“
სპონსორი: PSnewsGE
მიხეილ ჩხენკელი: „პირველი ოქტომბრიდან თბილისში, რუსთავში, ქუთაისსა და ზუგდიდში I-VI კლასის მოსწავლეები, ხოლო გორსა და ფოთში ყველა კლასის მოსწავლეები საკლასო ოთახებში ბრუნდებიან“
2020/09/24 22:26:00

კორონავირუსის პრევენციის მიზნით, უწყებათაშორისი საბჭოს გადაწყვეტილებით, თბილისში, რუსთავში, ქუთაისსა და ზუგდიდში პირველი ოქტომბრიდან I-VI კლასის მოსწავლეებისთვის სწავლა საკლასო ოთახებში განახლდება, ხოლო VII-XII კლასებისთვის აღნიშნულ ქალაქებში სასწავლო პროცესი დისტანციურ რეჟიმში გაგრძელდება.

·         პირველი ოქტომბრიდან გორსა და ფოთში სასწავლო პროცესი საკლასო ოთახებში გაგრძელდება ყველა კლასის მოსწავლისთვის.

·         პირველი ოქტომბრიდან მთელი აჭარის ტერიტორიაზე სასწავლო პროცესი დისტანციურ რეჟიმში გაგრძელდება.

·         თუ მშობელს ურჩევნია, რომ ბავშვმა გააგრძელოს სწავლა დისტანციურ ფორმატში, მას ამის შესაძლებლობა ექნება. ეს პროცესი სკოლების მიერ იქნება ორგანიზებული. სწავლის დისტანციურად გაგრძელების თაობაზე მშობელი მიმართავს სკოლას, რომელიც მას დაარეგისტრირებს და მის მოთხოვნას უზრუნველყოფს.

·         სპეციალური საგანმანათლებლო საჭიროების ყველა კლასის მოსწავლეები, გარდა აჭარის რეგიონისა, პირველი ოქტომბრიდან დაუბრუნდებიან სასწავლო პროცესს სკოლებში სპეციალურად მათთვის განკუთვნილ რესურს ოთახში.

·         უმაღლეს საგანმანათლებლო დაწესებულებებსა და პროფესიულ სასწავლებლებში სასწავლო პროცესი ამ ეტაპზე დისტანციურ რეჟიმში შენარჩუნდება.

 

მიხეილ ჩხენკელი: „დღეს უწყებათაშორის საბჭოზე მივიღეთ უაღრესად მნიშვნელოვანი გადაწყვეტილებები განათლებასთან დაკავშირებით, რომელსაც საზოგადოებას გავაცნობთ.

აჭარის მთლიან რეგიონში საგანმანათლებლო პროცესი ყველა საფეხურზე ნარჩუნდება დისტანციურ ფორმატში.

რაც შეეხება სკოლებს – პირველი ოქტომბრიდან თბილისში, რუსთავში, ქუთაისსა და ზუგდიდში I-VI კლასის მოსწავლეები ბრუნდებიან საკლასო ოთახებში. ეს არის უაღრესად მნიშვნელოვანი გადაწყვეტილება, განსაკუთრებით ყველაზე პატარებისთვის.

 

გორსა და ფოთში, სადაც, როგორც იცით, სასწავლო პროცესი დისტანციური ფორმატით მიმდინარეობდა, პირველი ოქტომბრიდან ყველა კლასის მოსწავლე საკლასო ოთახებში დაბრუნდება.

სპეციალური საგანმანათლებლო საჭიროების მოსწავლეები, გარდა აჭარის რეგიონისა, ასევე, პირველი ოქტომბრიდან სპეციალურად მათთვის განკუთვნილ რესურს ოთახში შეხვდებიან სპეცმასწავლებლებს. ეს არის უაღრესად მნიშვნელოვანი მათთვის. ეს იქნება პედაგოგებთან პირისპირ შეხვედრები საგანგებოდ შემუშავებული გრაფიკით, რომელიც მშობლებთან იქნება შეთანხმებული.

ჩვენ საზოგადოებას ვთავაზობთ მაქსიმალურად მოქნილ სისტემას. კერძოდ, თუ მშობელს ურჩევნია, რომ ბავშვმა გააგრძელოს სწავლა დისტანციურ ფორმატში, მას ამის შესაძლებლობა ექნება. ეს პროცესი სკოლების მიერ იქნება ორგანიზებული. სწავლის დისტანციურად გაგრძელების თაობაზე მშობელი მიმართავს სკოლას, რომელიც მას დაარეგისტრირებს და მის მოთხოვნას უზრუნველყოფს. ეს არის მაქსიმალურად მოქნილი სისტემა, რომელიც მორგებულია ყველას ინტერესებზე.

უმაღლეს სასწავლო დაწესებულებებსა და პროფესიულ სასწავლებლებში ამ ეტაპზე დისტანციური სწავლება შენარჩუნდება, თბილისში, ქუთაისში, რუსთავში, ზუგდიდსა და, როგორც მოგახსენეთ, მთლიანად აჭარაში. ადაპტაციის პროცესიდან გამომდინარე გადაწყვეტილებას არადისტანციურად სწავლის გაგრძელება/განახლების შესახებ უმაღლეს სასწავლო დაწესებულებებსა და პროფესიულ სასწავლებლებში უახლოეს მომავალში გაცნობებთ.“

 

'.$TEXT['print'].'
სულ ნანახია - 1018
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2024 საავტორო უფლებები დაცულია