„რეკომენდაციების მიუხედავად, ვხედავთ, რომ მოძრაობა საკმაოდ ინტესიური რჩება. ეს კი ყველაზე დიდი საფრთხის მატარებელია. დღეს კი თანამედროვე მსოფლიოში, სამწუხაროდ, არ არსებობს უფრო ეფექტური საშუალება, ვებრძოლოთ Covid 19 -ს, ვიდრე - სოციალური დისტანციის დაცვაა. ამიტომ მთავრობა კიდევ ერთხელ მოგიწოდებთ, დარჩეთ სახლში. ჩვენ ვიღებთ გადაწყვეტილებას დაწესებული ზომების დამატებით გამკაცრების შესახებ.

ხვალ 17 აპრილს, დღის 12 საათიდან, 21 აპრილის ჩათვლით, ქვეყანაში სრულად იკრძალება მსუბუქი ავტომობილებით გადადგილება“, - განაცხადა ირაკლი ჩიქოვანმა.

შეგახსენებთ, რომ ამ წუთისთვის საქართველოში კორონავირუსის 348 დადასტურებული შემთხვევაა რეგისტრირებული.