ფსიქიკური ჯანმრთელობის ეროვნულ ცენტრში, მომღერალმა, აკაკი ბაბუნაშვილმა,( „შავი პრინცი“) სიმღერისთვის „აფრენს ის’’ კლიპის გადაღება დაიწყო.
როგორც მომღერალი აღნიშნავს, ამ კლიპის გადაღებას დიდი ხანი გეგმავდა. სიმღერა შეყვარებულ გოგონაზეა, რომელსაც ცალმხრივი სიყვარულის გამო ფსიქიკური პრობლემები შეექმნება. კლიპში მომღერლის მეგობრები მონაწილეობენ.ტექსტის, არანჟირების და იდეის ავტორი“ შავი პრინცია.“
„რამდენიმე წელია არაფერი გადამიღია. ამ პაუზის შემდეგ მინდოდა ჩემი მსმენელისთვის, რაღაც განსხვავებულ შემეთავაზებინა, ამიტომ გადავწყვიტე კლიპის მთავრი სიუჟეტები ფსიქიატრიულ დაწესებულებაში გადამეღო.
პროექტზე მუშაობა პირადი ფინანსებით და მეგობრების თანადგომით დავიწყე . კლიპში მონაწილე ახალგაზრდებიდან პროფესიით მსახიობი არცერთი არაა, მაგრამ ვფიქრობ საკმაოდ კარგი პროდუქტი შევქმენით, განსხვავებული და საინტერესო. მინდა ყველს დიდი მადლობა გადავუხადო, განსაკუთრებით ფსიქიკური ჯანმრთელობის ეროვნული ცენტრის დირექტორს და ადმინისტრაციას.“– ამბობს „შავი პრინცი“
„აფრენს ის“ კლიპის დამატებითი სიუჟეტებს ქუთაისის ქუჩებში გადაიღებენ. კლიპის პრეზენტაცია ოქტომბრის ბოლოსთვის იგეგმება.