დაისვენე კურორტ ახალდაბაში
დაისვენე სასტუმრო „ლუტრეზიში“
სპონსორი: PSnewsGE
ასამბლეის საქართველოში გამართვა კიდევ ერთი აღიარებაა იმისა, რომ საქართველო დღესაც ღირსეულ ადგილს იკავებს განვითარებული მეღვინეობის ქვეყნების გვერდით
ავტორი: PS („პოსტსკრიპტუმი“)
2018/06/19 08:55:00

 

 

თბილისში საერთაშორისო სომელიეთა ასოციაციის გენერალური ასამბლეა მიმდინარეობს, რომელშიც 60-ზე მეტი ქვეყნის სომელიეთა ასოციაციის პრეზიდენტები, ჟურნალისტები და ღვინის შემსყიდველები მონაწილეობენ. საქართველოს სომელიეთა ასოციაციისა და სსიპ ღვინის ეროვნული სააგენტოს ორგანიზებით, საერთაშორისო სომელიეთა ასოციაციის 49-ე ყოველწლიური გენერალური ასამბლეა საქართველოში პირველად იმართება.

 

როგორც დღეს გამართულ პრეს-კონფერენციაზე აღინიშნა, ღონისძიება რამდენიმე დღე გაგრძელდება და მის ფარგლებში გაიმართება საუკეთესო ქვევრის ღვინოების თემატური დეგუსტაცია, საფერავის ძირითადი მახასიათებლების დადგენის საერთაშორისო სესია, მასტერ-კლასი ქართულ ღვინოზე, პროფესიული დეგუსტაცია “სრულიად საქართველოს საუკეთესო ღვინოები ერთ სივრცეში”, ნანა ჯორჯაძის ფილმის “ღვინის ნულოვანი მერიდიანი” ეროვნული პრემიერა და სხვა ღონისძიებები.

 

საერთაშორისო სომელიეთა ასოციაციის პრეზიდენტი ანდრეს როზბერგმა პრეს-კონფერენციაზე განაცხადა, რომ აღნიშნული ფორუმი საუკეთესოს შესაძლებლობაა ქართული ღვინისა და მისი კულტურის გასაცნობად. „გენერალური ასამბლეის ფარგლებში ჩვენ რამდენიმე დღეს გავატარებთ საქართველოში, რათა გავიგოთ უფრო მეტი საქართველოს, ქართული ღვინისა და სამზარეულოს შესახებ. ძალიან მნიშვნელოვანი ღონისძიებაა ქართული ღვინის მასტერ-კლასი, რაც ემსახურება ქართული ღვინის შესახებ ცოდნის გაუმჯობესებას. ამ მასტერ-კლასს დაესწრებიან ქართველი სომელიეები, რაც ძალიან მნიშვნელოვანია გამოცდილებისა და ცოდნის გაზიარებისთვის“ - აღნიშნა  მან.

 

საქართველოს სომელიეთა ასოციაციის პრეზიდენტის, შალვა ხეცურიანის  თქმით, საქართველო დიდი ხანია ემზადებოდა ამ პრესტიჟული ღონისძიების მასპინძლობისთვის.

ჩვენს ქვეყანას კიდევ ერთხელ ეძლევა ასეთი შეთხვევა, რომ ის ადამიანები, ვინც პირადად იღებენ გადაწყვეტილებას ღვინის ახალი ტრენდების ჩამოყალიბებაში,დგილზე გაეცნობიან ქართული ღვინის უსაზღვრო შესაძლებლობებს. მოხარულები ვართ, რომ  საქართველოს სომელიეთა ასოციაციას და თბილისის ღვინის სკოლას, რომლებიც უკვე 15წელია, ცდილობს ღვინის მაღალი კულტურის ჩამოყალიბებას საქართველოში, ასეთი მაღალი რანგის ღონისძიების მასპინძლობის პატივი ერგო“- აღნიშნა შალვა ხეცურიანმა.

 

 როგორც ღვინის ეროვნული სააგენტოს თავმჯდომარის მოადგილემ ანდრო ასლანიშვილმა განაცხადა, ასამბლეის საქართველოში გამართვა კიდევ ერთი აღიარებაა იმისა, რომ საქართველო დღესაც ღირსეულ ადგილს იკავებს   განვითარებული მეღვინეობის ქვეყნების  გვერდით. „სომელიეთა ინსტიტუტი არის უმნიშვნელოვანესი საკომუნიკაციო არხი, რათა კიდევ უფრო გაიზარდოს ქართული ღვინის ცნობადობა. მსოფლიოს სხვადასხვა ქვეყნიდან ჩამოსულ 80-ზე მეტ პროფესიონალს შესაძლებლობა ეძლევა ადგილზე დააგემოვნოს ქართული ღვინო და გაეცნოს მისი დამზადების უნიკალურ მეთოდებს, კულტურასა და ტრადიციებს. ასამბლეის მრავალფეროვანი პროგრამა ჩვენი ქვეყნის სტუმრებისთვის თვალსაჩინოს გახდის ქართული ღვინის კულტურის რვაათასწლიანისტორიას.“- აღნიშნა ღვინის ეროვნული სააგენტოს თავმჯდომარის მოადგილემ.

 

პრეს-კონფერენციის დასრულების შემდეგ, მსოფლიოში წამყვან აქსესუარების ბრენდს „რიდელი“ და „მარანი ხეცურიანს“ შორის ურთიეთთანამშრომლობის მემორანდუმი გაფორმდა. კომპანია „რიდელთან“ მრავალწლიანი თანამშრომლობის შედეგად, რამდენიმე წლის წინ შეიქმნა „რიდელის“ საფერავის ბოკალი, რომელიც გაყიდვაში ჩაეშვამსოფლიოს წამყვან ქვეყნებში. მემორანდუმის ფარგლებში მხარეები სამომავლოდ ქართული ღვინის პოპულარიზაციისთვის რამდენიმე პროექტის განხორციელებას გეგმავენ.

 

2018 წლის გენერალური ასამბლეის ჩატარების უფლება საქართველოს სომელიეთა ასოციაციამ რამდენიმე წლის წინ მოიპოვა. საერთაშორისო სომელიეთა ასოციაცია დაარსდა 1969 წელს საფრანგეთშიდა აერთიანებს მსოფლიოს 62 ქვეყნის სომელიეთა ეროვნულ ასოციაციებს. საქართველოს სომელიეთა ასოციაცია მათ რიცხვს 2014 წელს შეუერთდა. ყოველწლიურად საერთაშორისო სომელიეთა ასოციაცია მართავს გენერალურ ასამბლეას, სადაც იკრიბებიან წევრი ქვეყნების სომელიეთა ასოციაციების პრეზიდენტები,ღვინის ჟურნალისტები, ბაიერები და ღვინის სფეროს სხვა წარმომადგენლები.

 

 

 

 

'.$TEXT['print'].'
სულ ნანახია - 1265
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2024 საავტორო უფლებები დაცულია