ქუთაისში, ილია ჭავჭავაძის გამზირზე, გარე ვაჭრობის მოწესრიგების მეორე ეტაპი დაიწყო.
სამრეწველო და სამშენებლო მასალებით მოვაჭრე ობიექტებმა თავად მიიღეს გადაწყვეტილება და კანონით დადგენილ წესს დაემორჩილნენ.
ამ დრომდე აღნიშნულ ადგილზე მაღაზიები გარედ გამოტანილი პროდუქციით ვაჭრობდნენ, რაც უკვე მოწესრიგებულია.
ქალაქის მასშტაბით გარე ვაჭრობა ჯერ კიდევ მარტის თვიდან აიკრძალა. მერიის ზედამხედველობის სამსახური მონიტორინგს ყოველდღიურ რეჟიმში ახორციელებს.
ლიკა კაკუშაძე