ირმა ხეცურიანი ეტლით ფარიკაობაში მსოფლიო თასის გათამაშების გამარჯვებულია. მან პოლონეთის ქალაქ ვარშავაში ეტლით ფარიკაობაში საუკეთესო შედეგი აჩვენა. ინფორმაციას 1tv.ge ავრცელებს.

ხეცურიანმა ფინალში ტაილანდელი პარამოფარიკავე ანგარიშით 15:8 დაამარცხა და ოქროს მედლის მფლობელი გახდა.

მსოფლიო თასის ვარშავის ეტაპი 7 ივლისს დასრულდება.

21 მარტს ირმა ხეცურიანმა მსოფლიო ჩემპიონის სტატუსი მოიპოვა. იტალიის ქალაქ პიზაში, მსოფლიო თასზე კი  ხეცურიანმა ფინალში გერმანელი მეტოქე ანგარიშით - 15:4 დაამარცხა და  ოქროს მედალი მოიპოვა.

მოამზადა ნატო ყურაშვილმა