არასამთავრობო ორგანიზაცია RIGDOG-სა და ქუთაისის ქართულ ამერიკულ სკოლას "პროგრესი" შორის ურთიერთანამშრომლობის მემორანდუმი გაფორმდა, რომლის მთავარი მიზანი დაწყებით კლასებში ახალი საგანმანათლებლო პროგრამის დანერგვაა.
მემორანდუმის ფარგლებში I-დან VI კლასის ჩათვლით 200-მდე მოსწავლე ახალ საგანს "ბიზნეს უნარ-ჩვევები დაწყებითი კლასებისათვის" ისწავლის.
სასწავლო საგნების განმახორციელებელი ორგანიზაცია არის Junior Achievement Georgia, რომელიც მჭიდროდ თანამშრომლობს სამეცნიერო-ინტელექტუალურ კლუბთან “თაობათა დიალოგი”. „ჯუნიორ ეჩივმენტ საქართველოს” მიერ ქართულ ენაზე თარგმნილი და ქართულ გარემოსთან ადაპტირებულია ბიზნესის უნარ-ჩვევების 7 პროგრამა, რომლებიც განკუთვნილია I-VI კლასების მოსწავლეებისთვის.
აღნიშნული პროგრამა მოსწავლეებისთვის თვალსაჩინოს გახის მათი მომავალი სამუშაო ადგილის შესაბამისობას მათ ცოდნასა და უნარ-ჩვევებთან; მოსწავლეებში უზრუნველყოფს სოციალური მეცნიერებების საბაზისო სტანდარტებით გათვალისწინებული უნარ-შესაძლებლობების ჩამოყალიბებებას; ხელს სეუწყობს დასაქმებისთვის მზაობას და პროფორიენტაციის აკადემიური სტანდარტების მიღწევას.
პროგრამის ფარგლებში RIGDOG-მა უკვე გადაამზადა პედაგოგები, რომლებიც ჩაატარებენ მოსწავლეებთან გაკვეთილებს აღნიშნულ საგანში.
ამ ეტაპისთვის აღნიშნული პროგრამა" ქართულ-ამერიკული სკოლის" გარდა, ხორციელდება ქუთაისის კიდევ ორ სკოლაში: ი.ოცხელის მე-2 და 26-ე საჯარო სკოლებში.
პროგრამები პირველი ეტაპისთვის მეორე სემესტრის დასრულებამდე გაგრძელდება და სამომომავლოდ იგეგმება გრძელვადიანი თანამშრომლობა.
მემორანდუმის შესახებ გვესაუბრა RIGDOG-ის გენრალური მდივანი გვანცა თოთაძე: "პროგრამის ფარგლებში იქნება საოცრად ინოვაციური გაკვეთილები, რომლებიც მოსწავლეებს მოამზადებს სხვა საფეხურზე გადასასვლელად. ეს არის პირველი პრეცენდენტი ქუთაისის სკოლებში. აღნიშნული საგანი ჯერ მხოლოდ 3 სკოლში გვაქვს შეტანილი, სექტემბრიდან კი ვაპირებთ ქუთაისის ყველა სკოლა მოვიცვათ".
ლიკა დევდარიანი