ევროპარლამენტში საქართველოს საკითხზე მომხსენებელი მარია გაბრიელი საქართველოს ევროკავშირთან უვიზო მიმოსვლის რეჟიმის ამოქმედებას ულოცავს.
„დღეიდან საქართველოს მოქალაქეებს საშუალება მიეცემათ, ევროკავშირის ქვეყნებში მოკლევადიანი ვიზიტების დროს, უვიზოდ იმოგზაურონ“, - წერს „ტვიტერზე“ მარია გაბრიელი.
28 მარტიდან საქართველოს მოქალაქეები ევროპაში მოგზაურობას ვიზის გარეშე შეძლებენ.
ბიომეტრიული პასპორტის მქონე საქართველოს მოქალაქეებს უვიზოდ გადაადგილების უფლება ექნებათ ევროკავშირის წევრ 22 ქვეყანაში, ევროკავშირის არაწევრ 4 ქვეყანასა და შენგენის 4 კანდიდატ ქვეყანაში.