ევროპასთან ინტეგრაციის კომიტეტის თავმჯდომარე, თამარ ხულორდავა, საქართველოში ჰოლანდიის სამეფოს ელჩს, იოს დოუმას შეხვდა.
შეხვედრაზე, მხარეებმა ევროინტეგრაციული პროცესების მიმდინარეობა და საქართველოს ევროპულ გზაზე არსებული გამოწვევები მიმოიხილეს.
ასევე, განიხილეს ევროპასთან ინტეგრაციის კომიტეტის საქმიანობა, როგორც საქართველოს კანონმდებლობის ევროკავშირის კანონმდებლობასთან ჰარმონიზაციის მიმართულებით, ისე საპარლამენტო დიპლომატიის კუთხით.
მხარეებმა, ასოცირების საპარლამენტო კომიტეტისა და ევროკავშირის ეროვნული პარლამენტების ევროპულ საქმეთა კომიტეტების კონფერენციის შეხვედრების მიმდინარეობის შესახებ და საქართველოსთვის ევროპასთან ინტეგრაციის პროცესში, პარტნიორ ქვეყნებთან სტრატეგიული თანამშრომლობისა და მათი მხრიდან გამოცდილების გაზიარების მნიშვნელობაზე ისაუბრეს.
კომიტეტის თავმჯდომარემ, სტუმარს ევროპასთან ინტეგრაციის კომიტეტის საქმიანობის სამომავლო გეგმები გააცნო. მათ ორი ქვეყნის პარლამენტებს შორის თანამშრომლობის გააქტიურების მნიშვნელობაზე გაამახვილეს ყურადღება. მხარეები სამომავლო თანამშრომლობაზე შეთანხმდნენ, მათ შორის, კომიტეტის აპარატის შესაძლებლობების გაძლიერების საკითხებში.
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი