“ქუთაისი გუშინ, დღეს, ხვალ“ - ამ სახელწოდების ფოტოალბომის პრეზენტაცია ქუთაისის მერიის თეთრ დარბაზში გაიმართა.
ფოტოალბომი შეიცავს ინფორმაციას ქუთაისის ისტორიის, კულტურის, ისტორიული ძეგლების, მუზეუმების, თეატრების, სამზარეულო კულტურის, ქალაქის ტურისტული პოტენციალისა თუ სამომავლო განვითარების პერსპექტივების შესახებ. წიგნი გამოიცა ქუთაისის მერიის კულტურის სამსახურის მიერ და მასში შესული ფოტოების უმეტესობა ქუთაისელ ფოტოგრაფ დავით მირზაშვილს ეკუთვნის.
წიგნი ორენოვანია - ქართული და ინგლისური და ის შესანიშნავი საჩუქარი იქნება ქალაქის სტუმრებისათვის.
წიგნის შესახებ გვესაუბრა მერიის კულტურის განყოფილების მთავარი სპეციალისტი თამთა თურმანიძე: “შეიძლება ითქვას, რომ პრაქტიკულად 30 წელია, რაც მსგავსი შინარსის გამოცემა ჩვნი ქალაქის შესახებ არ ყოფილა, რომელშიც სამეცნიერო-პოპულარულ ენაზე იქნებოდა გადმოცემული ქალაქის ისტორია, აწმყო და მომავალი. ამიტომ ეს წიგნი პირობითად სამ ნაწილად არის დაყოფილი: „ქუთაისი გუშინ, დღეს, ხვალ“.
ეს არის ერთგვარი ექსკურსი ჩვენი ქალაქის ისტორიული წარსულის, კულტურული რეალობის, ტურისტული პოტენციალის,სამზარეულოს კულტურისა და მომავალი განვითარების პერსპექტივების შესახებ.“
" ეს არის ქუთაისის შესახებ წიგნი, რომელიც წესით რეგულარულად უნდა გამოდიოდეს. ბოლო პერიოდში იყო ჩავარდნა და ჩვენ ეს ტრადიცია აღვადგინეთ. ჩვენ გვინდა, რომ ეს ტირაჟი გავზარდოთ და ისევე, როგორც ეს პერიოდულად ხდება ყველა წამყვან ქალაქში, ასევე ქუთაისშიც იყოს, რადგან ქუთაისს ძალიან დიდი ისტორია აქვს. ჩვენ გვინდა, ეს როგორც ყველა ქუთაისელის ოჯახში იყოს, ასევე ტურისტებისთვის იყოს საინფორმაციო ხასიათის.“_ განაცხადა შოთა მურღულიამ.
ლიკა დევდარიანი