ქუთაისში, თამარ მეფის ქუჩაზე, დღეს ბლინის სახლი "კრეპამანია" გაიხსნა, რომელიც მომხმარებელს მრავალფეროვან ბლინებს შესთავაზებს.
ამ ახალი ბიზნესობიექტის გახსნა შესაძლებელი გახდა სახელმწიფოს პროექტის "აწარმოე საქართველოში" გრანტული დაფინანსებით.
პროექტის განსახორციელებლად სახელმწიფომ ინდმეწარმეს 10000 ლარიანი გრანტი გამოუყო.
ჩვენ გავესაუბრეთ ქუთაისის მერიის ეკონომიკური განვითარებისა და ადგილობრივი თვითმმართველობის ქონების მართვის სამსახურის უფროსს, ბატონ პაატა კლდიაშვილს:
„ჩვენთვის ძალიან მნიშვნელოვანია ის ფაქტი,რომ ქალაქში კიდევ ერთი ბიზნეს ობიექტი გაიხსნა, მიუხედავად მისი სიდიდისა. აღნიშნული პროექტი აწარმოე საქართველოს ფარგლებში განხორციელდა. მე იმედი მაქვს, რომ ისინი მალე გაფართოვდებიან და კიდევ უფრო მეტ ადამიანს დააასაქმებენ . წარმატებებს ვუსურვებ მათ.“- განაცხადა პაატა კლდიაშვილმა
ლიკა დევდარიანი
!['.$TEXT['print'].'](images/print.gif "ბეჭდვა"){kind=small}
პროექტის მხარდამჭერია ფონდი