კობა ნარჩემაშვილი - „ქართული ოცნება – დემოკრატიული საქართველოს” მაჟორიტარობის კანდიდატი ქუთაისის 49-ე ოლქში
მომავლის გეგმები
· დავეხმარებით მცირე და საშუალო ბიზნესს, ხელს შევუწყობთ ახალი ინიციატივების განხორციელებასა და მოქმედ სახელმწიფო პროგრამებში ადგილობრივების მაქსიმალურ ჩართვას;
· მიმდინარეობს ქუთაისის წყალმომარაგების ქსელის მშენებლობის მეორე ფაზა, პროექტის ღირებულება 86 მლნ ლარია და მას აზიის განვითარების ბანკი აფინანსებს. პროექტი 2018 წელს დასრულდება და მასში 200 ადამიანია დასაქმებული.
· ქუთაისში დაგეგმილია ქუთაისის წყალარინების სისტემების მოწესრიგება, მათ შორის, კანალიზაციის გამწმენდი ნაგებობის მშენებლობა-რეაბილიტაცია. პროექტს ევროპის საინვესტიციო ბანკი და ევროკავშირი ახორციელებს და მისი ღირებულება 100 მლნ ლარია. პროექტის განხორციელების შედეგად ქუთაისის საკანალიზაციო სისტემა სრულად მოწესრიგდება – 2017 წელს დაიწყება და 2020 წელს დასრულდება.
· 2016 წლის ბოლომდე 228 დევნილ ოჯახს ბინები ახალაშენებულ კორპუსებში გადაეცემა; ჯამში, ქუთაისში 25 თექვსმეტსართულიანი კორპუსი აშენდება, რომლებშიც ბინებს 2 000 დევნილი ოჯახი მიიღებს. მათგან ორი კორპუსის მშენებლობა (160 ბინა) 2016 წლის სექტემბერში დასრულდება;
· შენდება ქუთაისის ახალი ცენტრალური არქივის შენობა;
· მალე დასრულდება წერეთლის ქუჩის მიმდებარედ მდ. რიონის ნაპირსამაგრი სამუშაოები;
· განვახორციელებთ საპენსიო რეფორმას, სახელმწიფო პროგრამის – „ცხოვრება გრძელდება“ ამოქმედებით, პენსიონერებს დასაქმების რეალურ შესაძლებლობებს მივცემთ;
· 2020 წელს საქართველოში C ჰეპატიტის პრობლემა სრულად აღმოიფხვრება;
· 2017 წლიდან სკოლის მასწავლებლის ხელფასი, საშუალოდ, 800 ლარი გახდება;
· ახალი სასკოლო პროგრამებისა და სახელმძღვანელოების დანერგვით, გავაუმჯობესებთ სწავლის ხარისხს, მეტად განვავითარებთ სასკოლო ინფრასტრუქტურას; უკვე მზადაა 8 საჯარო სკოლის სრული და ნაწილობრივი რეაბილიტაციის პროექტები, რომლებიც მალე განხორციელდება;
· დაინერგება პროფესიული განათლების გერმანული მოდელი, გაჩნდება დასაქმების სათანადო შესაძლებლობა თითოეული კურსდამთავრებულისთვის;
· მოხდება 2013 წლის 1 იანვრამდე ჩადენილი საგადასახადო დანაშაულის სრული ამნისტია;
· წავახალისებთ ახალგაზრდულ ინიციატივებს, ვიზრუნებთ მოსახლეობაში ცხოვრების ჯანსაღი წესის დანერგვაზე.
(R)