10 საათის მონაცემებით ქუთაისში საერთო ამომრჩეველთა 7,6 % მოვიდა, 12287 მოქალაქემ თავისი პოზიცია დააფიქსირა.
ეს მონაცემები 3 პროცენტით დაბალია 2012 წლის მონაცემებზე, მაგრამ სხვა ყველა შემდგომ არჩევნებზე დაფიქსირებულ ამომრჩევლებზე მაღალი, - განაცხადა ბრიფინგზე საოლქო კომისიის თავმჯდომარემ, ბატონმა ავთანდილ ოსეფაიშვილმა.
მისივე ინფორმაციით, საარჩევნო უბნებთან რიგებია.
59-ე საოლქო კომისიაში ჯერჯერობით მხოლოდ ორი საჩივარია შემოსული, ორივე საკონტროლო ფურცელთან დაკავშირებით. ოსეფაიშვილის განმარტებით, ეს საბოლოო შედეგების შეჯამებისას პრობლემას არ შექმნის.
აქვე ცნობილი გახდა, რომ შუქი გაითიშა 115-ე უბანზე, პრობლემის აღმოფხვრაზე სპეციალისტები მუშაობენ.
მაკა ჩინიჯიშვილი