"თამაზ მეჭიაური ერთიანი საქართველოსათვის" პარტიის მაჟორიტარი დეპუტატობის კანდიდატმა ქუთაისის#47 ოლქში ლია გვენეტაძემ ჟურნალისტებთან ბრიფინგი გამართა. მან ბრიფინგზე დიდიძეში მომხდარი ძალადობა დაგმო და ყველა ქართველს გაერთიანებისკენ მოუწოდა.
"საქართველო ბევრი გამოწვევის წინაშე დგას და ერი სამოქალაქო ომის ზღვარზეა. ხალხი ორ დაპირისპირებულ ბანაკად, ე.წ. "ნაცებად" და "ქოცებად" არ უნდა დაიყოს. ყველა ქართველი უნდა გაერთიანდეს. ძალადობის ფაქტებმა პოლიტიკურ ჭრილში შეუქცევადი ხასიათი მიიღო, ხელისულებამ რეაგირება უნდა მოახდინოს, რათა სამოქალაქო ომი არ მოხდეს," - განაცხადა ლია გვენეტაძემ.
დეპუტატობის კანდიდატმა მედიასაშუალებების დამოუკიდებლობაზეც გაამახვილა ყურადღება და ქართველ ერს არჩევნების მშვიდობიანად ჩატარებისკენ მოუწოდა.