ლიტერატურული პრემია „საბას“ რიგით მე-14 დაჯილდოების ცერემონია მუხრანბატონის სასახლის ეზოში გაიმართა და სხვადასხვა ნომინაციაში 11 გამარჯვებული ავტორი გამოვლინდა.
წლის საუკეთესო ელექტრონული წიგნი - ოთარ ჯირკვალიშვილი „ლაზარე"
წლის საუკეთესო ლიტერატურული კრიტიკა - თამაზ ვასაძე „20 ქართული მოთხრობა"
წლის სუკეთესო ესეისტიკა და დოკუმენტური პროზა - ზაზა ფირალიშვილი „ირაკლი ფარჯიანი და შეხვედრის მეტაფიზიკა"
წლის საუკეთესო დებიუტი - სალომე მაკარიძე „ჩვენ" (წელს პირველად, დებიუტში გამარჯვებული ხალხმა გამოავლინა. ხმის მიცემა ორი თვე მინდინარეობდა ელექტრონული წიგნების სახლის „საბას“ ვებგვერდზე saba.com.ge.ხმის მიცემა შეწყდა გამარჯვებულის გამოვლენამდე, 5 წუთით ადრე.)
ხოლო ჟიურიმ საუკეთესო დებიუტში ორი ავტორი გამოავლინა ნანა ექვთიმიშვილი „მსხლების მინდორი" და იუნონა გურული „დიაგნოზი".
წლის საუკეთესო ქართული თარგმანი - თამარ ჯაფარძე, ჯონ ფაულზის „ფრანგი ლეიტენანტის საყვარელი"
ქართული ნაწარმოების საუკეთესო უცხოური თარგმანი – , ლინ კოფინი„"ვეფხისტყაოსანი".
წლის საუკეთესო რომანში გაიცა ორი სრული პრემია – ბექა ქურხული„სამოთხიდან გაქცეულები", ზურაბ სამადაშვილი „მოსალოდნელი მოულოდნელობანი", .
წლის საუკეთესო პოეტური კრებული – ბესიკ ხარანაული „ყვავი ხის წვერზე ისაღამოებს".
წლის საუკეთესო პროზაული კრებული –ზაალ სამადაშვილი „იუნკერ ერისთავის ბუცები".
პრემია „საბა“ ლიტერატურის განვითარებაში შეტანილი განსაკუთრებული წვლილისათვის – ტარიელ ჭანტურიას გადაეცა.
„საბას” წლევანდელი გამარჯვებულები, ტრადიციულად,„”საბას” პრიზს და ფულად პრემიებს მიიღებენ. საპრემიო ფონდი წელს 52 ათას ლარს შეადგენს.