ცენტრალური საარჩევნო კომისია თბილისის საქალაქო სასამართლოს მიერ მიღებული გადაწყვეტილების გასაჩივრებაზე გადაწყვეტილებას ხვალ მიიღებს. როგორც ნარეკლიშვილმა აღნიშნა, მოსამართლის დასაბუთებული გადაწყვეტილების შესწავლის შემდეგ ისინი მიიღებენ შესაბამის გადაწყვეტილებას, გაასაჩივრონ თუ არა პირველი ინსტანციის განაჩენი.
მოსამართლის გადაწყვეტილების გასაჩივრების უფლება ცენტრალურ საარჩევნო კომისიას ორი დღის ვადაში აქვს. მოსამართლის გადაწყვეტილებით, ასევე, ცენტრალურ საარჩევნო კომისიას დაეკისრა 100 ლარი საარჩევნო ბლოკ „თოფაძე-მრეწველები ჩვენი სამშობლოს“ სასარგებლოდ, რაც საარჩევნო ბლოკმა სასამართლოში სარჩელის შეტანის მიზნით დახარჯა.