„რესპუბლიკური პარტიის“ სიის ათეული აჭარის უმაღლესი საბჭოს არჩევნებისთვის ცნობილია. პროპორციულ სიაში მოხვდნენ აჭარის რეგიონის ექვსივე საარჩევნო ოლქში წარდგენილი მაჟორიტარი დეპუტატობის კანდიდატები. 
სიის პირველი ნომერი „რესპუბლიკური პარტიის“ ერთ-ერთი ლიდერი დავით ბერძენიშვილია. მეორე ნომრად აჭარის უმაღლესი საბჭოს მოქმედი დეპუტატი გიორგი მასალკინი დასახელდა. მესამე ნომრად უნივერსიტეტის თანამშრომელი, „რესპუბლიკური პარტიის“ ბათუმის კომიტეტის წევრი ლარისა ანდღულაძე წარადგინეს, მეოთხე ნომრად პარტიის ბათუმის ორგანიზაციის ხელმძღვანელი ზაურ ახვლედიანი. მეხუთე ნომრად წარდგენილია ლევან ხინიკაძე, რომელიც ქობულეთის საკრებულოში ხელმძღვანელობს „რესპუბლიკელების“ ფრაქციას. მეექვსე ნომერი მარინე მახარაძე, მეშვიდე ნომრად გიორგი რუხაძე, მერვე ნომერი დემურ მსახურაძე, მეცხრე - ასმათ ცინცაძე, ათეულს კი ასრულებს ვეტერანი „რესპუბლიკელი“ ზაზა ჩავლეიშვილი.